Baocata de cogomelos com queijo

A de Morgan (nome com o que se lhe conheze) ou O Xa Chegou (nome ofizial) é umha taberna de compostela cumha grande tradiçom bocateira e de raçons onde começar as noites. Descrever o lugar nom é doado dada a sua peculiaridade que, principalmente, consiste em ser um local de-toda-a-vida. Tudo de madeira, com cozinha quase á vista e um cheiro a zorza que impregna á roupa para toda a noite. Ainda que por vezes isso é mui molesto, eu agradeço de quando em vez estar num local desse tipo.

A consumiçom escolhida para a ocasiom foi umha das especialidades da casa (junto com o bocata de zorza), o bocata de cogomelos com queijo. Havia bem de tempo que nom ia por alí, e igual já tinha idealiçado o bocata, ou pode ser que coas festas andavam mui leados, mas o resultado nom foi o aguardado.

Ainda estando por riba da meia dos bocatas que se podem tomar em Compostela, e tendo em conta que os cogomelos estavam bem preparados (eu nom gosto deles, mas figem o esforço de probar-os pola comunidade), o pam estava frio (suponho que seria descongelado, cousa que em princípio nom me importa, mas notava-se frio por dentro) e o queijo, que em tempos era queijo do pais, era queijo de barra tipo sande de Larsa ou algo assim. E isso é um baixom comparado com o que aguardava. Repito que, ainda com todo, o bocata estava estupendo, o pam ainda que frio era pam de verdade e o queijo, ainda que nom era pais, é o mais semelhante que podes atopar num bocata (algum haverá melhor, mas nom é o habitual). Haberá que probar noutra ocasiom a ver se foi umha cousa passageira ou perderom algo de qualidade. Quero pensar que foi a primeira.

Nota: as fotos nom lhe fam justiça.

Bocata de cogomelos com queijo

5 Comments to "Bocata de cogomelos com queijo"

  • minhato said:

    A ver oh!
    Todos os dias bocata de cogumelos con queixo!
    Xa podiades poñer hamburguesas!

  • Galegoman said:

    Pois tem umha pinta bárbara!! : )_

  • eliziza said:

    E que ese bocata, cando o facía Morgan, éntre outras cousas, levaba queixo do país e ese que está na foto ten queixo de barra.

  • chimpin said:

    Eliziza: como bem escrevim na entrada:
    “e o queijo, que em tempos era queijo do pais, era queijo de barra tipo sande de Larsa ”

    Aproveito, que nom tivemos um recordo para ele no momento, para dizer que com Morgan se nos foi um grande.

  • eliziza said:

    Perdoa, e que a entrada xa a lera hai tempo e desta, cando fixen o comentario non a voltei ler. Algunha vez estiven con el na cociña cando o Morghan preparaba ese bocata : (

    Súmome á lembranza para el, alí onde estea.