Un grande templo da fritanga en Santiago é El Galeón, que gracias ó seu éxito dende fai un par de anos ten un novo restaurante nos Cantóns do Toural. El Galeón, para o que non o saiban, é un restaurante de ambientación náutica onde podes comer todo tipo de prato combinado, bocadillo, sandwich, hamburguesa… O que sexa. E todo a bo prezo. Ademáis teñen zona de fumadores e non fumadores.

O día do meu cumpreanos tiven que traballar pola tarde e comer fóra e só, así que elexín El Galeón para a miña solitaria festa de cumpreanos.
Esa monstrosidade que vedes na foto é o Prato combinado nº1 que consta de arroz, unha salchicha, croquetas, dous ovos fritidos e un zanco de polo.
Que queredes que vos diga, a cousa deixaba bastante que desexar. Parecíase bastante ás comidas do colexio ou dos campamentos de verán. O arroz estaba insípido, a salchicha era da peor calidade, as croquetas conxeladas e todo fariña, é difícil facer mal uns ovos fritidos e o zanco de polo era todo pel e graxa. Non me prestou moito.
Para regar todo isto, unha caña.
E de postre, xa que era o meu aniversario persoal coa miña propia persoa, pedín a Copa da Amante do Capitán. Unha boa idea feita con malos materiais. Agora non recordo ben, mais penso que leva tona, chiculate quente, xeado de fresa e noces.

Teño bos recordos do Galeón orixinal, en Alfredo Brañas, mais as veces que fun a este quedei farto mais non gustei demasiado. Haberá que volver intentalo?

  • Prato combinado nº 1, caña e Copa da Amante do Capitán
  • Prezo: 11’50 ouros (aprox.) [a copa é o que sube]
  • El Galeón do Toural, Cantóns do Toural, Santiago de Compostela
  • 3 Comments to "Prato combinado nº 1"

    • Odemo said:

      No novo Galeon há algumhas cousas que estám mui bem (na relaçom qualidade-preço-assassinato arterial) como um sanduiche com dous bifés panados…
      Mas é o que tem esse lugar, que até as saladas tenhem umha capinha de unto…

    • reidotoxo said:

      Oooh! O Galeón! Todo é malísimo e prefabricado, pero é o compañeiro perfecto para universitarios -público en principio pouco esixente- : rápido, céntrico (tanto o da Zona Vella coma o da Nova), menú variado, non é especialmente caro…
      Canto tempo me aforrou.

    • brianhabana said:

      ai ñ conheço o novo galeón, mas tive há pouco no mítico galeón do ensanche, tenho q dizer q o único bom era a coca-cola e o paquete de LM q comprei na máquica, tive a infelicidade de pedir (habituado como estou ao ourense) un bocadillo de calamares grasientos, e quando já parecia o cão de pavlov a salibar, chegou uma fatia de pão mau com outra por cima, no meio soube q calamares grasientos em pronúncia picheleira ñ significa o mesmo q no sul, havia lá uns calamares a la romana marca dia ultracongelados, rebozados con guevo poder. Que no vuelvo más